Kryeministri në detyrë, Albin Kurti, ka sqaruar lehtësimin e masave që përfshihen në fazën e dytë, e cila nis më 18 maj.
Ai, në një postim në rrjetin social Facebook, ka treguar edhe se cilat biznese do të rihapen.
“Nga dita e hënë, 18 maj 2020, do të hyjmë në Fazën 2 të lirimit të masave. Kjo do të thotë hapje më të madhe të ekonomisë dhe rrjedhimisht edhe lëvizje të shtuar të qytetarëve”.
Do të rihapen këto biznese:
1.Floktarët dhe sallonet e ondulimit
2.Stomatologët dhe fizioterapeutët
3.Tregtarët me pakicë dhe tregu i gjelbër
4.Gastronomia (merre-me-vete, take away)
5.Transporti hekurudhor
6.Transporti urban dhe ndër-urban (me leje të veçanta)
7.Qendrat e thirrjeve telefonike (me lista të stafit esencial), si dhe
8. Hapja e galerive dhe muzeve.
Ai ka treguar se do të lejohet dalja dy herë në ditë nga dy orë.
“Dy javët e fundit janë shumë të mira sa i përket luftimit të pandemisë COVID-19, por jo edhe katër ditët e fundit: sonte janë 10 të infektuar e vetëm një i shëruar, dje kanë qenë 18 të infektuar e 19 të shëruar, pardje 8 të infektuar e asnjë i shëruar, kurse para tri ditëve 24 të infektuar e 14 të shëruar”, tha Kurti.
“Prandaj, çdo lëvizje është e arsyeshme vetëm nëse është e domosdoshme. Me kujdes të shtuar të vazhdojmë të mbajmë distancën, të vendosim maska fytyrës e të ruajmë pastërtinë. Përndryshe, duhet t’i rikthejmë masat rigoroze sepse do të na rikthehet vala e pandemisë së virusit Corona. Por, bashkë, ama vetëm bashkë, do të fitojmë”.