Kryeministri në detyrë Albin Kurti, ka zhvilluar bisedë telefonike me kongresistin amerikan Eliot Engel. Temë diskutimi ishin pandemia Covid-19 dhe situata politike.
Kurti thotë se e ka falënderuar për angazhimin e tij për Kosovën.
“Kënaqësi të bisedoj me kryesuesin e Komitetit për Marrëdhënie me Jashtë në Dhomën e Përfaqësuesve, kongresistin Engel. Z. Engel ka kaluar tri dekada në Ballkan dhe ka njohuri të thella për rajonin. E falënderova për rolin dhe angazhimin e tij aktiv ndaj Kosovës dhe njerëzve të saj”, njoftoi Kurti përmes një cicërime në Twitter.
Pleasure to talk with U.S. House of Representatives Committee on Foreign Affairs, Congressman @RepEliotEngel. Mr. Engel has spent three decades in the Balkans and has deep knowledge of the region. I thanked him for his active role & commitment towards #Kosova and its people. pic.twitter.com/kVJyCjAQ3Z
— Albin Kurti (@albinkurti) April 24, 2020
Kurti thotë se me Engelin kanë biseduar lidhur me situatën pandemike me Covid-19 por gjithashtu, edhe atë politike.
“Biseduam për situatën me COVID-19 në të dy vendet. Z. Engel gjithashtu shprehu shqetësimet e tij lidhur me politikën aktuale të SHBA-së ndaj Kosovës. Ne theksuam rëndësinë e marrëdhënieve të koordinuara transatlantike midis SHBA-së dhe Bashkimit Evropian si mënyrën e vetme për të garantuar paqe, demokraci dhe përparim në Ballkanin Perëndimor”, përfundoi Kurti.