Një delagacion i Aleancës Kosovare të Bizneseve, i kryesuar nga kryetari Agim Shahini, kanë takuar kryetarin e Parlamentit të Maqedonisë së Veriut Talat Xhaferin.
Kryetari i Kuvendit të Maqedonisë së Veriut Talat Xhaferi, tha se do të bashkpunojnë me AKB-në dhe bizneset kosovare.
Sipas tij janë bërë mjaft lehtësira, por ende ka disa barriera. Ai tregoi se janë hequr testet, por situata nuk është e mirë ku ka rritje të të infektuarve.
Ai premtoi se së shpejti do tê vazhdoi ndërtimi i autostradës nga Shkupi deri tek kufiri me Kosovën.
“Bizneset e huaja janë të barabarta me ato vendëse dhe mundohemi të krijojmë lehtësira për bizneset”, tha Xhaferi.
Ai premtoi se çdo iniciativë e AKB-së dhe e biznesevev kosovare do të trajtohet me seriozitet nga ana e legjislativit.
Ndërsa kryetari i AKB-së Agim Shahini, uroi për rizgjedhjen në pozitën kryeparlamentarit.
Kosova me Maqedoninë kanë raporte të mira ekonomike, derisa ka rënie të suficitit tregar me Kosovën.
“Mbyllja e kufijve nuk duhet të ndodh, sepse është e dëmshme për të gjithë si për bizneset ashtu edhe për qytetarët”, tha Shahini.
Ai tha se duhet praktikuar rregullat e lira të lëvizjes e jo mbylljes, por e zbatimit të masave mbrojtëse.
Kryetari i AKB-së shprehu shqetësimin lidhur me mos ndërtimin e autosradës “Arben Xhaferi”, nga kufiri deri në Shkup, duke kërkuar ndërtimin e saj në Maqedoni.
Agim Shahini premtoi se do të jenë partner të fuqishëm në zhvillimin emonomik të dy vendeve.
Ai tregoi se rreth 3 milionë euro kosovarët shpenzojnë në Maqedoni thuajse çdo javë.