Komisioni Qendror i Zgjedhjeve (KQZ) ka publikuar rezultatet preliminare të kandidatëve për deputetë nga numërimi i votave në Qendrat Komunale të Numërimit.
Sipas KQZ-së, deri në ora 16:34, janë numëruar 92,58% e votave, apo 2 mijë e 345 vendvotime nga 2 mijë e 533 sa janë gjithsej.
Ky institucion njofton se procesi i numërimit të votave është duke vazhduar ende, dhe se në këto rezultate nuk përfshihen rezultatet e votave me kusht, votave të personave me nevoja të veçanta dhe votave nga votimi jashtë Kosovës, numërimi i të cilave do të bëhet gjatë ditëve në vazhdim në Qendrën e Numërimit dhe Rezultateve.
Nga këto rezultate, nga partitë politike më e votuara del Lëvizja Vetëvendosje me 40,80%, Partia Demokratike e Kosovës me 22,05%, Lidhja Demokratike e Kosovës me 17,64%, si dhe koalicionit Kosova Fituese me 7,46%.
Në top dhjetëshen e LVV-së deri tani si më të votuarit janë: Albin Kurti me 266 mijë e 798 vota, Glauk Konjufca me 204 mijë e 599 vota, Faton Peci me 99 mijë e 380 vota, Hekuran Murati me 97 mijë me 193 vota, Albulena Haxhiu me 92 mijë e 29 vota, Xhelal Sveçla me 87 mijë e 975 vota, Donika Gërvalla me 81 mijë e 862 vota, Avni Dehari me 70 mijë e 579 vota, Mimoza Kusari-Lila me 63 mijë e 561 vota dhe Arben Vitia me 50 mijë e 307 vota.
Ndërsa më të votuarit e PDK-së janë: Bedri Hamza me 153 mijë e 789 vota, Memli Krasniqi me 87 mijë e 288 vota, Uran Ismaili me 38 mijë e 110 vota, Vlora Çitaku me 35 mijë e 754 vota, Sala Jashari me 32 mijë e 597 vota, Enver Hoxhaj me 29 mijë e 283 vota, Përparim Gruda me 27 mijë e 495 vota, Jakup Nura me 27 mijë e 69 vota, Ganimete Musliu me 26 mijë e 862 vota dhe Rrahman Rama me 26 mijë e 95 vota.
Dhjetëshja më e votuar e LDK-së është: Lumir Abdixhiku me 112 mijë e 474 vota, Doarsa Kica-Xhelili me 46 mijë e 90 vota, Hykmete Bajrami me 43 mijë e 87 vota, Kujtim Shala me 38 mijë e 936 vota, Avdullah Hoti me 31 mijë e 906 vota, Anton Quni me 28 mijë e 8 vota, Lutfi Haziri me 27 mijë e 847 vota, Jehona Lushaku-Sadriu me 23 mijë e 18 vota, Armend Zemaj me 19 mijë e 854 vota dhe Imri Ahmeti me 18 mijë e 883 vota.
Kurse, më të votuarit e koalicionit Kosova Fituese, AAK, Nisma janë: Ramush Haradinaj me 38 mijë e 346 vota, Fatmir Limaj me 22 mijë e 528 vota, Daut Haradinaj me 22 mijë e 99 vota, Bekë Berisha me 13 mijë e 192 vota, Time Kadrijaj me 13 mijë e 162 vota, Arbëreshë Krasniqi me 10 mijë e 958 vota, Lahi Brahimaj me 10 mijë e 775 vota, Vesel Krasniqi me 10 mijë e 529 vota, Ardian Gjini me 9 mijë e 999 vota dhe Xhevahire Izmaku me 9 mijë e 572 vota.
