Këngëtarja e njohur nga Shqipëria, Keisi Medini, ka prezantuar së fundmi projektin e ri muzikor.
“Bye Bye” mban titullin kënga, të cilën njëherësh e ka kompletuar edhe me videoklip.
Artistja ka bërë një paraqitje të mahnitshme në video dhe në secilën prej pjesëve duket në top formë.
Teksti është shkruar nga Valter Uka, kurse për vijën melodike është përkujdesur Marsel Gunga.
Nën drejtimin e Fatlum Nergutit, ky projekt tashmë ndodhet edhe në platformën YouTube.
Kjo është këngë e parë e Keisit që pas daljes nga shtëpia më e famshme në Shqipëri, Big Brother VIP Albania.
Ajo ishte pjesëmarrëse në edicionin e dytë, nga i cili fitues u shpall Luiz Ejlli.