Kanal 10 është rezultat i përpjekjes së gazetarëve për të ndërtuar media alternative duke dhënë shembull unik në hapësirat ku jetojnë shqiptarët. Televizioni do të ofrojë program 24 orësh duke përfshirë të gjitha fushat që janë në inteters të shikuesit.
Në një postim në rrjetin social, facebook, Kanal 10 kanë bërë të ditur se nga data 10 gusht do të fillojnë transmetimet.
“Nga Mëngjesi me Arbenin Ahmetin, LIVE-i me Naim Sadikun, Lajmet me Fitore Ajetin, Prime Time me Xhemajl Rexhën, Kampionët me Fortesa Oranën e Bujar Mehmetin, dhe të tjera programe të reja, Kanal 10 do të jetë ekrani juaj i ri i preferuar. Nga e hëna në ora 07:00 të mëngjesit Kanal 10 do t’u paraqitet shikuesve në të gjitha platformat televizive në vend të Rrokum TV, ndërsa në transmetim do të jetë edhe përmes të gjitha platformave online”, kanë sqaruar nga Kanal 10.