Kalimi nga partia ‘GUXO’ në LDK i deputetes Doarsa Kica-Xhelili ka nxitur reagimin e ish bashkëpartikut të saj Haxhi Avdyli.
Në një status në Facebook ai ka thënë se kalimi në LDK është sabotim, dezertim e diletantizëm politik.
Ai tha se të jesh përfaqësues i qytetarit, është përgjegjësi e madhe.
“Kur je në rrugë të drejtë të sulmojnë, të shpifin, të shantazhojnë, të linçojnë, mundohen të të blejnë, por shumë me shumë ka që të duan e respektojnë por ka edhe që të shajnë. Por s’guxon asnjëherë të ligështohesh e të devijosh për hir të mijëra zemrave e syve plot shpresë që ishin drejtuar kutive të votimit për ty” ka shkruar Avdyli.
Ai madje iu ka referuar asaj si ‘motra e vogël’.
“Këto ditë “motra” jonë e vogël në politikë, papritur u largua nga Partia Guxo e nga grupi parlamentar. Na brente shumë të kuptonim, cili ishte shkaku se arsye nuk gjenim U frikësuam që dikush e ka shantazh ar, blerë apo kërcënuar. Menduam që ka hatërmbetje, nuk pate hapësirë apo iu ndal zëri. Por nga intervista mbrëmë vërtetuam nga ajo që asnjë nga këto arsye nuk qëndronin”, ka shkruar Avdyli.