Ish-kryetari i PDK-së, Kadri Veseli tashmë ka arritur në shtëpinë e tij në Mitrovicë.
Para shtëpisë janë parë bashkëshortja e Veselit, Violeta Veseli dhe fëmijët.
Veseli është kapur nga kamerat duke zbritur nga vetura.
Veseli edhe muaj më parë kishte ardhur në Kosovë për arsye familjare, pasi humbi edhe babanë pak kohë më parë.
Veseli së bashku me ish-presidentin Hashim Thaçi, ish-kryekuvendarin Jakup Krasniqi e ish-deputetin Rexhep Selimi janë pjesë e një aktakuze të përbashkët për krime lufte e po gjykohen në Hagë nga Gjykata Speciale.
—-
Ish-kryetari i PDK-së dhe ish-kryepalrmanetari, Kadri Veseli thuhet se ka arritur sot në Kosovë.
Siç raportojnë disa media, thuhet se Veseli është liruar përkohësisht nga Haga, ku me të arritur në Kosovë fillimisht ka shkuar drejt tek varrezat në fshatin e tij në Broboniq për të vizituar varrin e nënës e cila ndërroi jetë para dy ditësh.
Telegrafi ka kontaktuar me Zyrën e Prokurorit të Specializuar në Hagë, për të konfirmuar këtë gjë dhe të njëjtit ende nuk janë përgjigjur.
Kujtojmë se ditë më parë Kadri Veselit i ka vdekur nëna në moshën 93 vjeçare.
E pamja te familja Veseli në Mitrovicë
