Ushtria e Izraelit ka njoftuar të martën se ka gjetur trupat e 1500 militantëve të Hamasit në Izrael dhe rreth Rripit të Gazës.
Ushtria po ashtu ka thënë se ka marrë nën kontroll kufijtë me rajonin e Gazës.
Sipas Izraelit, militantët nuk kanë hyrë në territor të këtij shteti të hënën.
Sulmet e Izraelit kanë vazhduar në Gaza gjatë natës, duke goditur 200 caqe.
Ushtria ka këshilluar qytetarët e Gazës të largohen përmes kufirit të kontrolluar nga Egjipti, por më vonë ka thënë se ky kufi është mbyllur.
Rreth 900 njerëz kanë vdekur në Izrael që nga sulmet e së shtunës, përfshirë 260 që ishin në një festival muzikor. Rreth 700 njerëz kanë vdekur nga sulmet ajrore në Gaza, kanë thënë autoritetet palestineze.
Organizata Hamas ka kërcënuar se do të vrasë pengje sa herë që Izraeli kryen sulme ajrore.