Bora Zemani dhe Donald Veshaj gjatë ditës së premte (22 tetor) kanë qenë një nga personazhet më të komentuar në rrjetet sociale e faqet rozë.
Kjo pas takimit të jashtëzakonshëm që ish-çifti bënë në Big Brother VIP, përkundër se prezantuesja e njohur shkoi për ta takuar mikeshën e saj, artisten Semi Jaupaj.
Megjithatë, në po të njëjtën ditë u takua edhe me ish-të dashurin me të cilin dhuruan një emocion të paparë për gjithë publikun, ndërkohë që shkëmbyen puthje e përqafime së bashku.
Foto: YouTube
Zemani sot (e hënë) ka bërë një reagim për herë të parë në “Përputhen”, ku edhe është nikoqire e këtij shou.
Ajo ka folur për atë që ndodhi javën e kaluar duke thënë se ishin emocione shumë të bukura.
“Ishin shumë emocione të bukura edhe për mua. Me të vërtetë shumë emocionuese edhe për mua. U përcollën me të vërtetë shumë mesazhe të forta dashurie dhe nuk është e rëndësishme që këto mesazhe të jenë vetëm për partnerin, por edhe për shoqen e ngushtë”, ka thënë Zemani.
Derisa po fliste për raportin me Donaldin, në prapvijë i është lëshuar momenti kulminant i takimit të tyre për të cilin tha: “Ç’të them. Jam pa fjalë tërësisht”.
“Deri diku e prisja se do të ngacmohesha edhe në këtë pjesë, por deri në atë pikë nuk e dija kurrë se do të shkonte. Nuk kam shumë përgjigje akoma”, vazhdoi më tej.