Me iOS 15, Apple prezanton shumë përmirësime për personat me aftësi të kufizuara. Por përfitojnë edhe të tjerët.
Në konferencën e zhvilluesve WWDC, Apple zbuloi një numër karakteristikash inovative që mund ta bëjnë jetën më të lehtë për personat me aftësi të kufizuara.
Një nga arritjet më emocionuese është kontrolli i iPhone me lëvizjet e syve.
Përmes saj, mund të përdorni sytë për të kaluar nga një rresht i aplikacioneve në tjetrën në ekranin kryesor, transmeton Telegrafi.
Duke filluar me iOS 15, Apple gjithashtu do të mundësojë këtë lloj kontrolli duke shqiptuar tinguj të thjeshtë.
Njerëzit të cilët nuk mund të formulojnë fjalë ose fjali të plota, por mund të shqiptojnë tinguj si “Ma” ose “Pa” gjithashtu mund të “kërcejnë” midis rreshtave të aplikacionit, të thërrasin aplikacione individuale dhe të përdorin iPhone në mënyrë të pavarur.