Ushtruesi i detyrës së Drejtorit në Klinikën Infektive dhe infektologu, Izet Sadiku ka thënë se kapacitetet spitalore për pacientët me COVID-19 janë duke u mbushur.
Sadiku thotë se për dy javë është rritur për 300 numri i pacientëve të hospitalizuar në QKUK.
“Kemi pas një rritje këto dy javët e fundit, në fillim të marsit kemi pasur rreth 500 pacientë të hospitalizuar, pra për dy javë ditë u rritën në 800. Kjo tregon që kapacitetet spitalore janë duke u mbushur”, thotë Sadiku.
Ai thotë se që 5 muaj, Klinika Infektive është e mbushur gjithmonë me pacientë që po trajtohet për COVID-19.
“Që 5 muaj Klinika Infektive nuk ka kapacitete, pra i ka të mbushura gjithmonë”, thotë Sadiku për t7.
Kujtojmë se vetëm sot u konfirmuan 709 raste të reja me COVID-19 si dhe u shënuan 8 raste të vdekjes.