Daut Haradinaj, shef i Grupit Parlamentar të AAK-së, ka thënë se përkrahja për AAK-në në terren është e jashtëzakonshme.
“Nëse shkojmë në të gjitha komunat që i vizitojmë, kemi pritje dhe energji pozitive. Po ashtu ne qeverim në shtatë komuna me kryetarë komunash, ndërsa në 13 komuna tjera bashkëqeversim. Kjo na jep mbështetje edhe më të madhe. Edhe përformanca e ministrave tanë na jep shumë besim, sepse ata kanë dhe dëshmuar se janë të jashtëzakonshëm edhe pse janë të rinj. Pra AAK-ja iu ka jap hapësirë të rinjve që të tregohen dhe ata e kanë bërë shkëlqyeshëm këtë gjë”, ka thënë Haradinaj.
Sipas tij, AAK-ja në zgjedhje hyn me ofertën për president.
“Bartës të listës do ta kemi kandidatin për president. Besoj dhe jam optimist se nga këto zgjedhje do të dalim me rezultat dyshifror dhe ta kalojmë numrin mbi 20 deputetë. Kemi ofertë serioze për qytetarët. Lista e kandidatëve për deputetë do të jetë me njerëz të fuqishëm. Do të përfshihen të gjitha kategoritë dhe listën së shpejti do ta përpilojmë, besoj brenda 10 ditësh”, ka thënë Haradinaj në RTK.