Kryeqytetit të Kosovës do të t’i shtohet piceria më e re e më unike napolitane.
Duke filluar nga dita e hënë, më 23 janar, L’Antica Pizzeria Da Michele do të jetë piceria më e re me shijen më autentike në vend.
Sipas pronarit të Da Michele Kosovo, Berat Rukiqi me hapjen e kësaj picerie është sjellë një standard tjetër në Kosovë.
“Familja Conduro në Napoli ka zhvilluar një recetë autentike, që është pica më autentike napolitane dhe më e përhapura në botë. Për dy vite është shpallur si piceria më e mirë dhe të njëjtën kohe disa lloje të kësaj pice janë të famshme në të gjitha kontinentet, ku është prezentë L’Antica Pizzeria Da Michele”, shprehet Rukiqi.Reklama
Berat Rukiqi, pronar i L’Antica Pizzeria Da Michele Kosovo
“Kjo e bënë të veçantë. Është sjellë nja standard tjetër në vendin tonë, për shkak se është e papërsëritshme në llojin e vet, duke qenë pica më autentike napolitane”, shton ai.
Rukiqi thekson se pavarësisht cilësisë së lartë të picave, çmimet do të janë të krahasueshme me tregun vendas, duke shtuar se janë sjell staf që kanë punuar në Itali për t’i ofruar shkathtësitë te personeli lokal.
“Është një mikës i stafit të cilët ne e kemi, pra është një djalë nga Kosova që është kthyer nga Milano që është bartësi i të gjithë procesit të bërjes së picës aty, po ashtu është një nga Italia, të cilët kanë punuar në përfaqësinë e Da Michele në Milano. Ata do të jenë model dhe një lloj shkolle për stafin lokal, që ne do të synojmë që t’ia japim shkathtësitë e duhura që t’ia ruajmë qëndrueshmërinë e vetë punës”, thekson Rukiqi.Reklama
Francesco De Luca nga L’Antica Pizzeria Da Michele
“Çmimet janë të krahasueshme me tregun dhe shumë kategori të picave jemi më të lirë se tregu, pavarësisht cilësisë e kostos, pasi që importi i të gjithë përbërësve është nga Italia. Kjo e ka koston e vet, por ne do të ofrojmë çmimet e përballueshme në raport me cilësinë që e kanë këto pica”, përfundon ai.
Ndërsa, Francesco De Luca që është nga gjenerata e pestë e L’Antica Pizzeria Da Michele tregoi se kjo piceri është themeluar para 153 vjetëve.
“Ne vijmë në Kosovë për herë të parë me këtë brend dhe për ne është shumë e rëndësishme. L’Antica Pizzeria Da Michele është themeluar 153 vjet më parë në Napoli dhe ishte një piceri e vogël e qytetit. Në pesë gjenerata, ne jemi rritur dhe jemi bërë brend”, tregon De Luca.
Ai përfundon se përbërësit e picave përzgjidhen në mënyrë speciale.
“Pica jonë më re rëndësishme dhe e popullarizuar është Margarita dhe Double Cheese Margarita. Jemi special sepse ne i përzgjedhim të gjithë përbërësit e picës, sepse janë rëndësishëm për këtë produkt”, përfundon ai. /Telegrafi/
