Në Pejë po trajtohen 59 pacientë me koronavirus. 35 pacientë janë në oksigjeno terapi, 17 pacientë janë në gjendje më të rëndë, ndërsa pacientet e tjerë janë në gjendje më stabile, shkruan lajmi.net.
Nga personeli i Spitalit 6 mjekë, 15 infermierë dhe 3 punëtorë të shërbimit teknik janë të infektuar me COVID-19.
Kurse në Spitalin e Vushtrrisë janë duke u trajtuar 28 pacientë për koronavirus, 4 janë të intubuar, ndërsa 18 të tjerë janë me oksigjenoterapi.
Spitali i Vushtrrisë ka bërë të ditur se 18 prej tyre janë të konfirmuar pozitivë, ndërsa 10 janë në pritje të rezultatit, eventualisht të testimit.
Po ashtu ka të infektuar edhe nga stafi mjekësor: 2 mjekë, 6 infermierë dhe 1 punëtor i administratës.
Në Spitalin e Përgjithshëm të Gjakovës po trajtohen 49 pacientë, 27 prej tyre janë me COVID-19, 9 janë në pritje të rezultateve ndërsa 11 të tjerë po presin që të testohen.
Ndërsa, 25 pacientë po trajtohen me oksigjenoterapi dhe 3 të tjerë janë me CPAP mask.
Po ashtu edhe një mjek, 13 infermierë dhe 1 staf tjetër janë të infektuar me COVID-19. Kështu ka bërë të ditur Spitali i Përgjithshëm i Gjakovës në raportin 24 orësh.