Një automjet tip “Range Rover”, u dogj pjesërisht mbrëmjen e sotme në qytetin e Vlorës.
Mjeti luksoz është në pronësi të Françeska Jaçes, ish-banore e reality show “Big Brother”.
Sikurse njoftohet nga policia, ngjarja ka ndodhur rreth orës 21:04, në lagjen “ Pavarsia”, të qytetit bregdetar, ndërkohë më poshtë mund të shihni edhe pamjet nga vendngjarja.
Në muajin nëntor të vitit të shkuar, vajza e njohur u përfshi në një aksident rrugor, ku makina e saj tip ‘ BMW’ u kthye totalisht përmbys.
Sipas policisë në atë kohë, shkak u bë shpejtësia e madhe që kishte Françeska teksa drejtonte mjetin. Mirëpo, fatmirësisht ajo mori vetëm disa dëmtime të lehta.