Kishin mbetur vetëm edhe tre raste për t’u shëruar. Por shpresa për kalimin e shpejtë të pandemisë në qytetin e Ferizajt u shuan.
Ditët e fundit numri i të infektuarve me COVID-19 në këtë qytet, u rrit përsëri.
Vetëm të shtunën, në këtë qytet u konfirmuan 16 raste të reja, kurse të dielën janë konfirmuar edhe 5 raste të reja duke e quar numrin total e të infektuarve në 134 persona.
E disa nga rastet e fundit, janë bashkëfshatarë të kryetarit të Ferizajt, Agim Aliut.
Kryetari i Fshatit, ka treguar për televizionin 7 se burimi i virusit, është jashtë fshatit të tyre.
Derisa ka shtuar, se banorët kanë respektuar masat dhe deri një ditë më parë, nuk kanë pasur as edhe një rast të vetëm.
Sidoqoftë në hyrjet e daljet e këtij fshati, nuk u pa asnjë patrullë e Policisë.
E kjo situatë po i shqetëson banorët e këtij fshati.
Të njëjtën breng, si të këtij banori e kanë edhe disa qytetarë të tjerë në Ferizaj.
Ani pse, kjo komunë po i prinë listës me numrin më të madh të të infektuarve në vend, sheshet janë të mbushura me njerëz, si në ditët e zakonshme.
Përveç atyre, që kishin dalë për të kryer blerjet, kishte dhe nga ata që bënin qejf.