Pallati Elysee tha përmes një deklarate se, kryeministri Philippe do të vazhdojë të ushtrojë funksionin derisa të emërohet një kabinet i ri qeveritar.
Kryeministri francez, Edouard Philippe, ka dhënë dorëheqjen përpara se të ndodhë një riorganizim i qeverisë nga presidenti, Emmanuel Macron.
Macron do të emërojë një kryeministër të ri “brenda disa orësh”, thuhet në deklaratë.
Nuk është ende e qartë nëse kryeministrit Philippe do t’i besohet sërish formimi i qeverisë së re.
Masa e Macronit, për të freskuar qeverinë e tij, vjen pasi partia e tij, shënoi humbje në zgjedhjet lokale.
Vëzhguesit thonë se do të ishte një bixhoz politik për Macronin nëse e zëvendëson Philippen, i cili është më i popullarizuar në publik se vetë presidenti.