Rap-artisti i njohur shqiptar, Bardhi, ka prezantuar së fundmi projektin e ri muzikor.
“Betohemi 2” mban titullin kënga, e cila vjen si vazhdim i “Betohemi”, që e solli disa vite më parë, e që në fakt ia arriti famën e madhe.
Teksti dhe melodia është realizuar nga vet këngëtari me masterizim nga Nome Ent.
Videoja ndërkohë i është besuar produksionit, ‘Cinegr8’.
Bardhyl Idrizi (emri i vërtetë) pjesën e parë siç ka thënë nëpër intervista ia ka dedikuar ish-të dashurës së tij.
Kënga tashmë ndodhet në platformën YouTube dhe besohet se do të pëlqehet nga publiku.
Bardhi përndryshe ka pak vite që i është bashkuar skenës muzikore shqiptare, por që ka arritur suksese të mëdha.