Rezervisti Ezequiel Avila ka shënuar gol në minutën e 87-të për t’a mohuar fitoren Barcelonës në ndeshjen me Osasunan.
Osasuna e Barcelona luajtën 2:2 të dielën mbrëma, në kuadër të xhiros së 16-të të La Ligas spanjolle. Barcelona është eliminuar nga Liga e Kampionëve dhe po ka telashe edhe në kampionatin spanjoll. Aktualisht është e teta me 24 pikë. Osasuna renditet e dhjeta me 22 pikë. Nico Gonzalez shënoi golin e parë për Barcelonën në minutën e 12-të.
Në 1:1 shifrat i barazoi David Garcia që në minutën e 14-të. Për rezultatin 2:1 në të mirë të Barcelonës shënoi Abdessamad Ezzalzouli në minutën e 49-të. Por Barça e Xavit në fund e mori vetëm një pikë, për të vazhduar me rezultate dëshpëruese dhe për të mbetur shumë largë garës për titull të kampionit.