Barcelona ka bërë edhe një hap prapa nga titulli në La Liga, pasi nuk ka arritur më shumë se një barazim 3-3 në Estadi Ciutat de Valencia ndaj Levantes.
Messi shënoi për 0-1 në minutën 25 para se Pedri të dyfishonte epërsinë për mysafirët.
Me këtë rezultat ekipet shkuan në pushim mes pjesëve.
Vendasit e nisën pjesën e dytë furishëm duke shkurtuar fillimisht me Meleron në minutën 57 dhe duke barazuar me Moralesin dy minuta më vonë.
Dembele riktheu epërsinë për blaugranasit në minutën 64 e kur u duk që mysafirët do t’i merrnin të trija pikët ishte Sergio Leon që barazoi shtatë minuta para fundit.
Me këtë barazim Barcelona pozicionohet e dyta me 76 pikëm një pikë më pak se Atletico Madridi e një më shumë se Real Madridi por me një ndeshje më shumë të zhvilluar.
Levante pozicionohet në vendin e 13 me 40 pikë.