Policia e Kosovës ka arrestuar personin i cili dyshohet se ka plagosur dy persona të tjerë pasditen e sotme në fshatin Bardhosh të Prishtinës.
Në njoftimin e Policisë thuhet se pjesë e operacionit policor ka qenë bastisja e dy lokacioneve, që ka rezultuar me konfiskimi e një arme të zjarrit e cila është konfiskuar në cilësi të provës materiale, përcjell Demokracia.com.
“Lidhur me rastin e gjuajtjes me armë zjarri i cilësuar si “ Vrasje në tentativë”, të ndodhur sonte rreth orës 15:20, në Bardhosh të komunës së Prishtinës, si rezultat i veprimeve dhe hetimeve të shpejta policore është arrestuar një person në cilësinë e personit të dyshuar. Pjesë e operacionit policor ka qenë bastisja e dy lokacioneve, që ka rezultuar me konfiskimim e një arme të zjarrit e cila është konfiskuar në cilësi të provës materiale”, thuhet në njoftimin e PK-së.
Policia e Kosovës me njësitë e saj relevante është duke vazhduar hetimet intensive në koordinim dhe bashkëpunim me organet e drejtësisë me qëllim të zbardhje sa më parë të këtij rasti.