Një aksident trafiku ka ndodhur pasditen e së dielës në lagjen Dardania në Prishtinë, ku si pasojë tre persona kanë pësuar lëndime.
Zëdhënësja e Policisë së Kosovës, Flora Ahmeti në një prononcim për ATV ka treguar se personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut.
Ky është njoftimi i plotë:
Sot rreth orës 16:00, në lagjen Dardania, në Prishtinë, ka ndodhur një aksident rrugor në mes dy automjeteve në lëvizje.
Bazuar në të dhënat fillestare, si pasojë e aksidentit lëndime trupore kanë pësuar 3 persona. Personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut.