Tre persona janë lënduar si pasojë e një aksidenti mes tri automjeteve që ka ndodhur sot, rreth orës 07:00 në Zllakuqan të Klinës.
Lajmin për Gazetën Sinjali e ka konfirmuar zëdhënësi i policisë për rajonin e Pejës, Fadil Gashi.
Ai ka bërë të ditur se personat e lënduar janë duke u trajtuar në Spitalin Rajonal.
“Para orës 07:00 të mëngjesit, Policia është njoftuar për një aksident në fshatin Zllakuqan të Klinës, ku të involvuara kanë qenë tri automjete, si pasojë e aksidentit tre persona kanë pësuar lëndime dhe janë duke u trajtuar në Spitalin Rajonal”, ka thënë Gashi.