Njerëzit e lidhin shëndetin e syve me plakjen e paevitueshme. Në të vërtetë, një regjim i shëndetshëm ushqimor mundet të pakësojë rrezikun e sëmundjeve të syve.
Një studim i vitit 2001 mbi sëmundjet e syve si pasojë e moshës, zbuloi se një sërë ushqyes si: zinku, bakri, vitamina C, vitamina E dhe beta karoteni, mund të përmirësojnë shëndetin e syve me 25%.
Studimi u përditësua edhe në vitin 2013 dhe arriti në konkluzionin se acidet yndyrore omega- 3, beta karoteni, luteina dhe antioksidantë të tjerë janë thelbësorë për shëndetin e syve.
10 ushqimet më të mira dhe të nevojshme për shëndetin e syve:
Peshku
Shumë lloje peshqish janë burime të larmishme të acideve yndyrore omega-3. Megjithatë, peshqit më të pasur me këto acide yndyrore janë toni, salmoni, trofta, sardelet, skumbria.
Shumë studime kanë zbuluar se vaji i peshkut është efikas kundër përtharjes së syve, sidomos asaj të shkaktuar nga të qëndruarit përpara kompjuterit.
Arrorët dhe bishtajoret
Arrorët janë gjithashtu të pasur me acide yndyrore omega-3. Sipas të dhënave, arrorët përmbajnë edhe shumë vitaminë E që mbron sytë nga dëmet e vazhdueshme prej moshës.
Rekomandohet konsumi i më shumë arrave, shqemeve, kikirikëve dhe bishtajoreve si fasule, thjerëza etj.
Farat
Njësoj si arrorët dhe bishtajoret, edhe farat janë të pasura me omega-3 dhe një burim i shkëlqyer i vitaminës E. Farat chia dhe farat e linit ndihmojnë për të mirëmbajtur shëndetin e syve.
Agrumet
Agrumet janë shumë të pasura me vitaminë C, një antioksidant i rekomanduar kundër sëmundjeve të syve. Këshillohet edhe konsumimi i më shumë limonëve dhe portokallëve për të marrë sa më shumë vitaminë C.
Barishtet
Barishtet si spinaqi janë të pasura me shumë antioksidantë dhe vitaminë C. Ato duhen konsumuar rregullisht.
Karotat
Karotat janë të pasura me beta karoten dhe vitaminë A, e cila luan një rol thelbësor në shikim.
Patatja e ëmbël
Ashtu si karotat edhe patatja e ëmbël përmban beta karoten por edhe vitaminë E.
Panxhari
Panxhari është i pasur me zink, që luan një rol mirëmbajtës për shëndetin e syve. Sipas të dhënave, zinku ndihmon në ruajtjen e shikimit pavarësisht moshës dhe parandalon formimin e perdes së syrit.
Vezët
Vezët janë një burim i shkëlqyer antioksidantësh që mbrojnë shikimin. Ato përmban zink, vitaminë C dhe E.
Uji
Uji është thelbësor për shëndetin e syve. Duhet pirë shumë ujë që të parandalohet hidratimi dhe përtharja e syve. /Agroweb/