Kylian Mbappe ka konfirmuar tashmë se do të largohet nga Paris Saint-Germain (PSG), në fund të sezonit të ardhshëm 2023/24, ndërsa thotë se ka informuar edhe drejtuesit në vitin e kaluar.
Gjatë ditës së hënë u raportua për një letër të Mbappes drejt drejtuesve të PSG-së dhe tashmë kjo letër është konfirmuar nga vet lojtari.
Ylli francez ka thënë se drejtuesit e klubit janë informuar qysh në korrik të vitit të kaluar për vendimin e tij për të mos zgjatur më shumë kontratën.
“Nuk kam diskutuar kurrë ndonjë rinovim të kontratës me PSG-në”, ka thënë fillimisht Mbappe për AFP.
“Bordi është informuar që nga 15 korriku 2022 për vendimin tim për të mos zgjatur përtej vitit 2024”.
“Letra e dërguar kishte për qëllim vetëm të konfirmonte atë që unë u thashë tashmë”, përfundoi ylli francez.
🚨🚨 Kylian Mbappé statement to AFP.
— Fabrizio Romano (@FabrizioRomano) June 13, 2023
“I have NEVER discussed any contract renewal with PSG”.
“The board has been informed since July 15th, 2022 of my decision not to extend beyond 2024 — and the letter sent was only meant to confirm what I already told them”. pic.twitter.com/ggaO5ZPfqm
Ndryshe, kontrata e Mbappes zgjat deri në fund të sezonit 2023/24, por një largim në këtë verë duket i pashmangshëm pasi drejtuesit e PSG-së nuk do të duan të humbin pa asnjë cent.