Koreja e Jugut ka thënë se synon të lansojë rrjetin 6G duke përdorur teknologjinë më të avancuar, rrjete celulare të avancuara të bazuara në softuer të gjeneratës së ardhshme dhe duke forcuar rrjetet e zinxhirit të furnizimit. Lajmi është bërë i ditur nga Ministria Koreane e Shkencës, Teknologjisë së Informacionit dhe Komunikimit, shkruan Bloomberg.
Qeveria e Koresë së Jugut do të inkurajojë kompanitë lokale të prodhojnë materiale, komponentë dhe pajisje për zhvillimin e rrjetit 6G, dhe gjithashtu planifikon të forcojë zinxhirin e furnizimit për të mbështetur rrjetin e përmendur. Një studim fizibiliteti që heton teknologjinë 6G po zhvillohet dhe i gjithë projekti ka një vlerë pak më shumë se 482 milionë dollarë.
Me këtë iniciativë, Koreja e Jugut dëshiron të kalojë përpara pjesës tjetër të botës kur bëhet fjalë për teknologjinë 6G. Koreja e Jugut ka ekonominë e katërt më të madhe në Azi dhe mban 25.9 për qind të rrjetit 5G të vitit 2022, dhe Kina 26.8 për qind. Qeveria e Koresë së Jugut shpreson të kalojë 30 për qind ose më shumë të rrjetit 6G.
Rrjeti 6G do të bashkojë atë që është virtuale me realitetin, pohon Zhang Yongtao, zëvendësmenaxheri i përgjithshëm i Departamentit të Teknologjisë së “Ericsson China”. Ai thotë se rrjeti 6G do ta çojë komunikimin holografik nga fantashkencë në realitet.