Policia e Kosovës ka njoftuar se për shkak të numrit të madh të qytetarëve dhe automjeteve në Qendrën e Skijimit në Brezovicë, gjitha vendparkingjet janë zënë në këtë qendër, kështu që automjetet do të ndalohen tek laura në hyrje të Parkut Nacional.
“Patrullat e policisë do të jenë tek udhëkryqi i rrugës që çon në Qendrën e Skijimit në Brezovicë dhe te laura ku fillon Parku Nacional. Do të mbikëqyrin rrjedhën e komunikacionit dhe do të mbajnë në kontakt nga afër shoferët e automjeteve që në momentin kur lirohet vend parkingu tek Qendra e Skijimit do tu mundësohet lëvizja e tyre . Kjo bëhet me qëllim që mos të shkaktohen pengesa dhe bllokim të kësaj rruge. Lusim shoferët e automjeteve që të respektojnë udhëzimet e policisë dhe mos të ndalojnë dhe parkojnë automjetet e tyre në më mënyrë të parregullt!”, thuhet në njoftim të Policisë.