Aleanca për Ardhmërinë e Kosovës (AAK), dega në Kamenicë ka vendosur që të mbështesë në balotazhin e 14 nëntorit, kandidatin e LVV-së për kryetar të kësaj komune, Kadri Rahimaj.
Lajmin e bëri publik nëpërmjet Facebookut, Faton Jakupi, i cili në zgjedhjet e 17 nëntorit garoi për të parin e komunës nga radhët e AAK-së.
“Sot në mbledhjen e Këshillit Drejtues së AAK dega në Dardanë, duke u bazuar në Statutin e saj dhe me shumicë votash, u mor VENDIM, që në garën e balotazhit në zgjedhjet për kryetar të komunës ta përkrahë kandidatin e VV.
Bashkë dhe ndershëm!”, ka njoftuar Jakupi.
Në zgjedhjet për kryetar të Kamenicës, Qëndron Kastrati nga PSD dhe Kadri Rahimaj nga LVV kanë shkuar në balotazh.
Kastrati në raundin e parë ka marrë rreth 350 vota më shumë se Rahimaj.
Faton Jakupi nga AAK është renditur i katërti me 2,076 vota.