Ministri i Shëndetësisë, Arben Vitia, ka thënë se situata me COVID-19 në vend vazhdon të mbetet e rëndë pavarësisht trendit të rënies së rasteve.
“Kemi një gjendje të rënduar në spitalet tona. Rastet që janë të shtruar sot janë të infektuar 10-14 ditë më herët dhe kemi akoma numër të lartë të pacientëve që është ngarkesë e madhe edhe për profesionistët tanë dhe infrastrukturën spitalore dhe fatkeqësisht ditëve të kaluara kemi pasë numër të madh të rasteve me fatalitet”.
“Si qeveri e Kosovës dhe ministri e Shëndetëisë jemi të fokusuar maksimalisht që të shfrytëzojmë të gjitha kapacitetet tona për ta trajtuar me seriozitetin më të madh këtë situatë, duke filluar nga zbatimi i masave të fundit të marra nga qeveria kundër COVID-19. Të dhënat e fundit nga IKSHPK-ja na flasin për rënie të numrit të rasteve të COVID-19 nga 20 % pozitiviteti sa ishte në gusht shkalla e pozitivitetit të mostrave të testuara ka rënë në 8 %, por që është ende e lartë dhe e pamjaftueshme. Numri i spitalizimeve megjithëse në javën e fundit ka pasë tendencë të lehtë të rënies mbetet ende i lartë dhe reflekton me numër të lartë të pacientëve në SHSKUK që në total është rreth 1200 pacientë në trajtim spitalor, një pjesë e të cilëve në Mjekimin Intensiv derisa shumica e pacientëve janë me oksigjeno-terapi si pasojë e manifestimeve të rënda klinike të shkaktuara nga varianti Delta”.
I pari i shëndetësisë ka thënë se duke i parë rrethanat e kanë hartuar planin për ngritje të kapaciteteve shtesë spitalore fushore, nëse një gjë e tillë do të jetë e nevojshme.
Viti bëri thirrje për vaksinim, duke thënë se në stoqe janë mbi 600 mijë vaksinave të sigurta.
Ai thotë se në bazë të analizave të IKSHPK-së do të jetë e nevojshme vaksina e tretë për çka kanë filluar edhe negocimin për blerjen e 1 milion vaksinave të tjera.
“Në bazë të analizave të IKShPK-së në vend do të jetë e nevojshëm vaksina e tretë, ne kemi filluar negocimin edhe për blerjen e 1 milion vaksinave tjera”.