Kryetari i Lidhjes Demokratike të Kosovës, Lumir Abdixhiku, është pritur në takim nga Presidentja Vjosa Osmani.
Abdixhiku në llogarinë e tij në Facebook ka bërë të ditur se i ka uruar Osmanit sukses në promovimin e shtetit, mbrojtjen e Kushtetutës e përfaqësimin e unitetit në vend, njofton Klan Kosova.
“Sot, në orët e pasdites, takova Presidenten e Republikës së Kosovës, Vjosa Osmani Sadriu. Zhvilluam një bashkëbisedim të hapur, të drejtë e substancial për temat me interes kombëtar”.
“Lidhja Demokratike e Kosovës, në cilindo kapacitet, do të përkushtojë gjithë potencialin e vet në bërjen e Kosovës vend që e kemi ëndërruar përherë. Presidentes i urova sukses në promovimin e shtetit, mbrojtjen e Kushtetutës e përfaqësimin e unitetit në vend”, ka shkruar Abdixhiku.