Në Kosovë janë shënuar 158 raste të reja me koronavirus nga 471 mostra të marra.
Janë raportuar gjithashtu 13 të vdekur. Këtë e ka bërë të ditur, Naser Ramadani, drejtor i IKSHPK-së në një konferencë për media nga Komuna e Prizrenit.
Ndërkaq ministri i Shëndetësisë, Armend Zemaj në një vizitë në Komunën e Prizrenit ka thënë se po ndajnë të gjitha resurset e përbashkëta me spitalet rajonale, duke shtuar se gjatë vizitës kanë dëgjuar edhe nevojat e spitalit të kësaj komune.
Ai tutje ka bërë thirrje për qytetarët t’i respektojnë masat për parandalimin e shpërndarjes së COVID-19.
Njoftimi i plotë nga IKSHPK-ja:
245 TË SHËRUAR DHE 158 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 471 mostra të marra nga ShSKUK, gjurmimi i kontakteve të rasteve në terren dhe laboratoret private, prej të cilëve rezultojnë 158 raste pozitive. Brenda 24 orëve janë raportuar 13 raste të vdekjes me SARS CoV-2 pozitiv.
Numri total i rasteve pozitive është 12.006 raste nga 45.868 persona të dyshimtë në virusin SARS-CoV-2 dhe 438 raste të vdekjes.
Gjatë 24 orëve të fundit, janë shëruar 245 pacientë derisa numri i përgjithshëm i të shëruarve deri më sot është gjithsej 7.929 raste, kurse numri i rasteve aktive është 3.639.
Rastet pozitive janë nga: komuna Prishtinë 38 raste, komuna Gjilan 29 raste, komuna Gjakovë 13 raste, komuna Pejë 13 raste, komuna Fushë Kosovë 9 raste, komuna Drenas 6 raste, komuna Prizren 6 raste, komuna Viti 6 raste, komuna Kamenicë 5 raste, komuna Dragash 4 raste, komuna Istog 3 raste, komuna Lipjan 3 raste, komuna Obiliq 3 raste, komuna Suharekë 3 raste, komuna Vushtrri 3 raste, komuna Ferizaj 2 raste, komuna Klinë 2 raste, komuna Malishevë 2 raste, komuna Rahovec 2 raste dhe me nga një rast komunat Deçan, Kaçanik, Mitrovicë, Podujevë, Shtime dher Skenderaj.