Një polic ka vdekur të premten në Prishtinë. Policia është njoftuar për rastin rreth orës 14:45.
“Kemi pranuar informatën për një trup të pajetë, në rrugën ‘Ahmet Korenica’ në Prishtinë. Policia menjëherë ka dalë në vendin e ngjarjes si dhe mjekët emergjentë të cilët kanë konstatuar vdekjen e viktimës, mashkull, 47 vjeç, zyrtar policor”, ka njoftuar Policia.
Policia ka njoftuar se ka nisur hetim mbi vdekjen, edhe pse thuhet se ka elemente që sugjerojnë për vetëvrasje.
“Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, thuhet në njoftim.