Federata e Futbollit e Kosovës (FFK) ka publikuar sot (e mërkurë) orarin për ndeshjet e vlefshme për xhiron e 15-të të Albi Mall Superligën e Kosovës.
Ndeshjet e xhiros së 15-të do të zhvillohen brenda tri ditësh, ku të premten luhet një lojë, ndërsa të shtunën dhe të dielën nga dy lojë.
Ndeshja e vetme e të premtes është ajo në mes të Feronikelit ’74 dhe Suharekës, e cila pritet të zhvillohet në stadiumin “Rexhep Rexhepi” në Drenas.
Të shtunën luhet derbi i javës ku Ballkani pret Dritën në “Stadiumin e qytetit” në Therandë, ndërsa në ndeshjen tjetër Llapi është nikoqir i Ferizajt në “Zahir Pajaziti”.
Të dielën, Gjilani e pret Malishevën në “Stadiumin me bari artificial”, teksa në takimin tjetër Dukagjini është nikoqir i Prishtinës në stadiumin “18 Qershori” në Klinë.
Të gjitha ndeshjet është paraparë të fillojnë nga ora 13:00.