Muharrem Qerimi dhe Bedri Shabani u arrestuan të mërkurën nën dyshimin për spiunazh. Të njëjtit dyshohet se kanë bashkëpunuar me BIA-n serbe.
Lidhur me këtë rast, Policia e Kosovës përmes raportit 24 orësh ka dhënë detaje të reja.
Kujt dhe për çka i raportonin të dyshuarit për spiunazh? Krejt çfarë dihet për arrestimin e dy kosovarëve që dyshohet se spiunonin për BIA-n serbe
Policia bënë të ditur se hetimet kanë nisur qysh në vitin 2023, dhe se të mërkurën më 5 qershor kanë realizuar një aksion në dy lokacione në qytetin e Ferizajt.
“Ferizaj – Viti 2023: Policia e Kosovës në bashkëpunim me Agjencinë e Kosovës për Inteligjencë dhe Prokurorinë Speciale, pas ndërmarrjes së veprimeve hetimore lidhur me dyshimet për veprën penale spiunazhi me datë 05.06.2024 kanë realizuar operacion një policor për kontrollin e dy lokacioneve në qytetin e Ferizajit”, thuhet në raportin e policisë.
Dy të arrestuarit për spiunazh pjesë e agjendës serbe për mohimin e Masakrës së Reçakut dhe sajimin e një Shtëpie të Verdhë
Gjatë kontrollit në lokacionin e dy të dyshuarve meshkuj kosovarë në cilësi të provave materiale janë gjetur dhe sekuestruar dokumente të ndryshme, kompjuter, telefona, USB, DVR, kaseta, armë dhe municione, maska, gasmaska ushtarake si dhe shumë dëshmi të tjera.
“Dy të dyshuarit janë arrestuar dhe me vendim të prokurorit janë dërguar në mbajtje”, ka njoftuar policia.