Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon se nga 888 testime, 22 qytetarë kanë rezultuar pozitiv me virusin COVID-19.
MSH bën të ditur se gjatë 24 orëve të fundit, nuk është shënuar asnjë rast i vdekjes.
Sot janë shëruar 20 qytetarë, derisa numri i përgjithshëm i të shëruarve është 224.188.
Në total numri i rasteve aktive është 499.
Në 24 orët e fundit janë dhënë 135 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.824.287 doza të vaksinës.
Deri më sot 821.331 qytetarë janë vaksinuar me dozën e dytë.
Deri më sot janë dhënë 100.804 doza përforcuese dhe doza të treta të vaksinës kundër COVID-19.