1 milion vaksina janë administruar deri tani në Kosovë.
Këtë e ka bërë të ditur ministria e Shëndetësisë përmes një postimi në Facebook ku ka lavdëruar punën e ekipeve të vaksinimit.
Kjo ministri iu ka bërë thirrje qytetarëve që të vaksinohen duke thënë se ky është akti më moral dhe më i përgjegjshëm.
https://www.facebook.com/plugins/post.php?href=https%3A%2F%2Fwww.facebook.com%2FMinistria.Shendetesise.RKS%2Fposts%2F2085246548299588&show_text=true&width=500
“Mirënjohje ekipeve të vaksinimit për punën e çmuar dhe besimin e patundur për të arritur këtë nivel të trendit të vaksinimit në një kohë të pazakontë. Le të i bashkojmë thirrjet tona për të afërmit e më të dashurit tonë, që të rezervojnë një termin për vaksinim sa më herët që është e mundur. Tash kur e kemi të njohur se vaksina zvogëlon dukshëm simptomat e rënda të sëmundjes dhe vdekjen, dhe kështu probabilitetin e infektimit indirekt të njerëzve të tjerë, pa e ditur, akti më moral dhe më i përgjegjshëm është i qartë: VAKSINIMI”.
“Është shumë e rëndësishme që të mbajmë ritmin pozitiv të vaksinimit, sepse vetëm në këtë mënyrë do të arrijmë ta mposhtim virusin. Sepse vetëm #Bashkëiadalim”, thuhet në njoftimin e ministrisë së Shëndetësisë.